Ili ili (Huwag Mangamba) :: Hiwaga ng Bata :: Munting Anghel ::
Duyan :: Pangarap :: Awit ni Nanay :: Nandito Ako :: Nais Ko :: Bituin sa Langit ::
Laylay (Suo Gan) :: Paroroonan :: Lukso, Sigaw, Sayaw
Ili ili (Huwag Mangamba)
(Traditional Hiligaynon Lullabye)
Additional Music & Lyrics: Geejay Arriola
Arranged by Geejay Arriola & Gauss Obenza
Lead Vocals: Maree Contaoi, Geejay Arriola,
Sheila Labos
Ili, ili tulog anay
Waay diri imo nanay
Kadto tienda, bakal papay
Ili, ili, tulog anay
At sa iyong paglaki
Buhay ay haharapin
Bawat unos na darating
Iyong yayakapin
Mga landas na madilim
Ay iilawan ng bituin
Kinabukasan mo ay
Iyong itatanim
Huwag kang mangamba
Ako’y iyong kapiling
Hiwaga ng Bata
Music: Gauss Obenza, Geejay Arriola,
Maia Tampoy
Lyrics: Gauss Obenza
Lead Vocals: Gauss Obenza
Ang ngiti sa iyong pisngi
Pinapakislap ng mga bituin
Halakhak sa iyong dibdib
Hinuhunihan ng hangin
Haplos mong malambing
Sinasayawan ng mga batis
Mga titig mong salamin
Kinukulayan ng bahaghari
CHORUS
Bata bata
Tunay kang hiwaga
Mundo’y pinasigla ng iyong
kamusmusan
Bata bata
Ano ang iyong hiwaga
Kay rami-rami mong kaibigan
Sa pagkislap ng mga bituin
Saya ay kakanlungin
Sa paghuni ng hangin
Damdamin ay liliparin
Sa pagsayaw ng mga batis
Puso ay sisisirin
Sa pagkulay ng bahaghari
Diwa ay yayakapin
CHORUS 2
Bata bata
Ano ang iyong hiwaga
Sa iyong murang gulang
at kamusmusan
Bata bata
Ang iyong hiwaga
Buong buhay kong talinhaga
Munting Anghel
Music: Gauss Obenza, Maree Contaoi,
Geejay Arriola
Lyrics: Maree Contaoi
Produced by Gauss Obenza
Lead Vocals: Maree Contaoi
Sa sinapupunan ko’y ika’y dama
Bawat galaw mo’y aking tuwa
Nagpupumiglas bukang-liwayway
Ang unang tuklas
Bawat pagsikat ng bagong umaga
Iyong kaagapay sa paglalakbay
Mundong kakaiba, kahanga-hanga
Walang katanungan, walang kalituhan
Walang nanghahadlang
CHORUS
Munting anghel, himala ng
manlilikha
Ika’y aking himig ng walang
hanggang pag-ibig
Sa kabila ng binging daigdig
Puso mo ay hindi naging manhid
Sinasalamin ang mga pangarap
Hinahaplos ang lungkot na nadama
Pinupunla ang pag-asang mamuhay
Tulad ng iba nang walang
alinlangan
Duyan
Music & Lyrics: Geejay Arriola
Produced and arranged by
Geejay Arriola
Lead Vocals: Geejay Arriola,
Maan Chua
Duyan, duyan
Iduyan mo
Pagod, pagod
Nitong mundo
At sa mapayapang gabi
Binubulong ng bituin
Ang iyong panaginip
Haplos, haplos
Haplusin mo
Hapis, hapis
Nitong puso
At sa iyong paghimlay
Iniilawan ng buwan
Ang iyong pag-asa
Tahimik ang paligid
At sa aking pagmamasid
Sa iyong mga ngiti
Lumbay ko’y napapawi
Duyan, duyan
Iduyan mo
Pangarap
Music & Lyrics: Sheila Labos
Produced by Gauss Obenza
Lead Vocals: Gauss Obenza
Bawat likha ay puno ng pangarap
Bawat galaw ay tuwa sa puso
Bawat ngiti galak ang nadarama
Bawat kislap ng mata ay dalisay
Mga munting pangarap nais mong matupad
Sa bawat hakbang mo ay kasama mo ako
Bawat pagsubok magiging matatag
sa karapatan
Bawat sakit ay maghihilom din
Bawat paglalakbay may aagapay
Bawat lumbay may nagmamahal sa ‘yo
Mga munting pangarap nais mong matupad
Sa bawat hakbang mo ay kasama mo ako
Abutin ang pangarap mo
(Penpen desarapen de kutsilyo de alasen
Haw haw de carabao de batuten)
Itong aking pangarap, sa iyo’y inaalay
Sa bawat paglalakbay kasama mo ako
Abutin ang pangarap mo, pangarap mo
(Para sa iyo, ang buhay ko)
Para sa iyo pangarap kong ito
Awit ni Nanay
Music & Lyrics: Maia Tampoy,
Gauss Obenza
Produced by Gauss Obenza
Lead Vocals: Maia Tampoy
Sa akong paghigmata
Nagahilak ako
Kauban ko ang duyan
Way nagtabyog
Ang huyuhoy sa hangin
Mitaghoy sa dunggan
Apan way laing musika nga
Makahupay
Kundi ang awit ni nanay
Muhapyod ug musapnay
Muhatag og kalipay nga tiunay
Sa akong paghigmata
Naglatagaw ako
Gisubay ko ang dalan
Nga way padulngan
Ang pagsidlak sa adlaw
Nawad-ag kahayag
Walay pulos ang ugma
Kung di makaplagan
Ang awit ni nanay
Iwag sa akong dalan
Huni nga sa akong dughan
gitipigan
Lalalala….
Nandito Ako
Music & Lyrics: Geejay Arriola
Produced and arranged by
Gauss Obenza, Paolo Sisi,
Chico Zambrano
Lead Vocals: Geejay Arriola,
Maan Chua, Soleil Arriola
Nang una kitang iduyan
Sa aking sinapupunan
Binubulong ko sa iyo
Ang pag-ibig ko
At ang pangarap kong
Lumaki kang may dunong
At katatagan
At ang una mong mga hakbang
Ay punong-puno ng kasiyahan
Halakhak mong kay tamis
Na sa pagod ko’y pumapawi
Sa kislap ng iyong mga mata’y
Magandang landas mo’y
namamasdan
Subali’t nasa’n ka anak
Sa iyong landas na tinatahak
Kinabukasan mo ay di tanaw
May pangamba’t pag-aalinlangan
Nandito ako
Naghihintay ng yakap mo’t
Sa iyong paalala
Hanap ko ang pagtangi mo
Pangarap ko’y
Tila nilipad ng hangin
Ako’y puno ng kawalan at pag-aalinlangan
Uhaw sa pang-unawa mo
Nais ko sanang
Makapiling ka
Sa bawat pagsubok
Na dumaan sa buhay ko
At sa aking paglalakbay
Nawa’y ika’y aking kasabay
Ramdam kong ako’y ligaw
Kalinga mo ang aking ilaw
Subali’t nasa’n ka anak
Sa iyong landas na tinatahak
Kinabukasan mo ay di tanaw
May pangamba’t pag-aalinlangan
Nandito ako
(Nandito lang ako)
Naghihintay ng yakap mo
(Handang umunawa)
Sa iyong paalala hanap ko ang pagtangi mo
(Kahit di ko mawari ang landas mo)
Nandito lang ako
Hindi ko alam kung ano ang hinahanap ko
Ang bawat hakbang ay tila tuliro
Umiikot, umiikot nang walang tinutungo
At nalilito, nalilito sa mundong kay gulo
Nais Ko
Music & Lyrics: Maan Chua
Produced by Gauss Obenza
Lead Vocals: Maan Chua
Ako ay si Nena, anim na taong gulang
Nais ko lang sana maglaro at magsaya
“Hoy Nena, magtrabaho ka muna!”
‘Yan ang sabi ni ina
Alas singko pa ng umaga, ako ay
gigising na
Kasama si ama upang sa bukid ay mang-uma
“Dali Nena, itugway ang kabaw!”
‘Yan ang sabi ni ama
Habang ang ibang bata naglalaro’t nagsasaya
Ako ay nasa bukid kasama ang kalabaw
Nais ko lang madama ang pagiging bata
Kahit minsan lang
Maglaro ng piko, tumbang preso at
bahay-bahayan
Maligo sa ilog at damhin ang kalikasan
”Hoy Nena, magtrabaho ka muna!”
‘Yan ang sabi ni kuya
Tulad ng ibang batang naglalaro’t nagsasaya
Ako ay nangangarap na sila’y makasama
Nais ko lang madama ang pagiging bata
Kahit minsan lang
Kahit sandali lang sa aking kabataan
Kahit sandali lang sana ay pagbigyan
Bituin sa Langit
Music & Lyrics: Geejay Arriola
Produced by Gauss Obenza
Lead Vocals: Maan Chua, Maia
Tampoy, Maree Contaoi
Bituin, bituin sa langit
Pakinggan aking hiling
Hangarin at damdamin
Ililipad ng hangin
Bituin, bituin sa langit
Pakinggan aking hiling
Mga bata
Mga batang
Humihimlay sa lansangan
Ay bigyan niyo ng tahanan
Pag-ibig na mauuwian
Kaligayaha’y naghihintay
Sa pintuan ng bukas
Mga bata
Mga batang
Naglalaro sa lansangan
Mga ngiti ay nangungusap
Pagmamahal hinahanap
Ang panaginip nilang makulay
Sana’y marating na tunay
Lalala….
(*Ako si takuri
Gamay ug daku
Kini ang gunitanan
Kini ang ipisan
Kung pabukalon
Mukulo-kulo
Ihaon mo ako ug ibubo)
Mga batang
Nagsasayaw sa lansangan
Kaligayaha’y naghihintay
Sa pintuan ng bukas
* Visayan children’s song
Laylay (Suo Gan)
(based on the Traditional Welsh
song “Lullabye (Suo Gan)”)
Lyrics: Robert Bryan (1800)
Additional Lyrics: Geejay Arriola
Produced and arranged by
Geejay Arriola
Lead Vocals: Maree Contaoi
Sleep, my baby, on my bosom
Warm and cozy, it will prove
Round your mother’s arms are folding
In her heart a mother’s love
There shall no one come to harm you
None shall ever break your rest
Sleep, my darling babe, in quiet
Sleep on mother’s gentle breast
Sa mundo ng kaguluhan
Ingay ng hidwaan
Hahanapin katahimikan
Sa lilim ng buwan
Tulog na aking sinta
Sa laylay ng mga kislap
Ng bituin sa kalangitan
Himig ng pangarap
Sleep serenely, baby, slumber
Lovely baby, gently sleep
Tell me wherefore are you smiling
Smiling sweetly in your sleep
Do the angels smile in heaven
When your happy smile they see
Do you on them smile while slum’bring
On my bosom peacefully
Tayo nang maglakbay
Sa mapayapang buhay
Diwa ng kabukiran
Ang siya nating gabay
Ilang bundok man aakyatin
Ilang ilog tatawirin
Tapang at adhikain
Ang maghahatid sa ‘tin
Paroroonan
Music & Lyrics: Maia Tampoy
Lead Vocals: Maia Tampoy
Ang buhay kung minsan
Ay hindi mo maintindihan
Ang pagtakbo
Payapang umaga’y
Unti-unting dumidilim
Ang pag-asa
Sa hirap ng buhay
Ay di mo malalaman
Kung kailan sisikat
Ang araw sa kalawakan
CHORUS
Ang bawat pag-agos
Ng luha sa iyong mga mata
May pag-asa
Manalig ka lamang
Sa ating tagapaglikha’t
Kumapit ka
Lilipas din ang ulan
Na sa buhay ay nagdaraan
At ang kadiliman
Ay patungo sa liwanag
Ang bawat paglalakbay
Ay may patutunguhan
Ang ilog at sapa
Iisa’ng paroroonan
Pagsubok ay harapin
May bukas na kakamtin
Harapin ang bagong buhay
Pagsikat ng umaga
Naghihintay ang bukas
Na kay ganda
Huwag sumuko, huwag magtago
Mangarap ka, magsikap ka
May sikat pa
Oooh…
May sikat pa
Lukso, Sigaw, Sayaw
Music & Lyrics: Bayang Barrios
Arranged by Gauss Obenza, Geejay
Arriola, Maan Chua
Lead Vocals: Bayang Barrios
Lukso, lukso kabataan
Patungo sa kalayaan
Sigaw, sigaw kabataan
Patungo sa kapayapaan
Sayaw, sayaw bagong tribo
Sisibol na ang iyong dunong
Hawak-kamay na makisulong
Katotohanan ang maghihilom
Halika na, kulayan na
Ang mundong may kadiliman
Bigyan ng buhay
Ipamahagi ang karunungan
At galing na taglay
Lukso, lukso kabataan
Patungo sa kalayaan
Sigaw, sigaw kabataan
Patungo sa kapayapaan
Sayaw, sayaw bagong tribo
Sisibol na ang iyong dunong
Hawak-kamay na makisulong
Katotohanan ang maghihilom
Halika na, sabayan mo na
Yaman ng ating kinabukasan
Yaman ng lahi
Abot-kamay na ang pinapangarap
At minimithi
